ESKOLA, IRAKASLEAK, HAURTZAROA, MUTILAK, NESKAK, AULKIAK, PIZARRA

Haurtzaroko irakasleak Luziana zuen izena eta oso ona eta gozoa zen. Garai horretan, neska eta mutilak batera egoten ziren baina ondoren, bi gelatan banatu eta eskolako sarrerak ere ezberdindu zituzten. Gelako aulkiak binakakoak izaten ziren, aurreko aldean “pizarra” (arbela) eta irakaslearen mahaia egoten ziren, eta ezkerraldean, leiho handi batzuk. Gela beteta egoten zen. Mari Pazek ez du gogoratzen eskolan abesti edo otoitzik abesten zutenik.