ETXEAREN DEITURAK, HERRIA, URA, ATEA, AMA, GARBIKETA, KALEAK

Lehengo antzik ez du herriak, dena asfaltatu gabe baitzegoen eta etxeen fatxadak ez zirelako hain politak, besteak beste. Gainera, behiak eta ardiak ibiltzen ziren kaleetan zehar. “Udsanaziar” esaten zuten, hau da, behiak ganbeletara joaten zirela “udsa” (ura) edatera eta, bidean zehar, kaka egiten joaten ziren. Denborarekin, gorotz horiek sikatzen zirenean, kaleetatik biltzen zituzten. Ohitura handia zegoen norberak bere ataria garbitzeko eta amak egunero garbitzen zuen goizeko zortzietan. Garai bateko Arbizu, gaur egungo karrika nagusia eta beste zenbait karrika batzuk besterik ez zen, gainontzekoa azken urteetan eraikia izan da. Etxe bakoitzak bere izena zuen, hala nola, “Juanaundina”, “Juanenekoa”, “Postiña” edota “Arbixonekoa”, besteak beste. “Lonbre etxea” bezala ezagutzen zen bere familiaren etxea.