MUGIMENDUAK, KANDIDATURA HERRIKOIA, ATXILOKETAK, UDALA, ALKATEGAI, HERRI MUGIMENDUA, NAZIONALISTA, EAJ, POLITIKA

Gazte garaian, ez zen inor ausartzen herriko hauteskundeetan parte hartzera. Orduan, zenbait herritarrek, bera barne, kandidatura herrikoi bat sortzea erabaki zuten. Atxiloketa ugari izan ziren garaia hasi zenean, kideetako bat espetxeratu zuten eta, beraz, udalean zazpi izatetik sei izatera pasatu ziren. Beraien artean adostu zuten zein izango zen bakoitzaren kargua eta Jesus Mari alkategai aurkezteko animatu zuten. Berarekin batera, herri mugimenduan sartuta zeudenak parte hartu zuten hautagaitzan, baina baita nazionalista edo EAJko ideologia zuten adineko zenbait herritarrek ere. Oro har, kontzientzia politikoa eta lanerako gogoa zutenek parte hartu zuten. Ez zen beste hautagaitzarik aurkeztu eta hauteskundeak irabazi zituzten.