ETXEA, URA, ARGIA, ARROPA GARBIKETA, XABOIA, DENDA, AITA, LIXIBA, BARATZE

Etxean, ura eta argia zituzten. Etxearen atzeko aldean harraska bat zuten eta han garbitzen zuten arropa. Arropa garbitzeko, haien dendako xaboia izaten zuten. Ez aitak, ez anaiek, ez zuten garbiketarik egiten. Arropa astean behin garbitzen zuten, astelehenetan, eta lehenbizi arropa zuria garbitzen zuten eta ondoren koloreduna. Arropa zuria, lixiba-uretan jartzen zen hurrengo goizera arte eta gero, arropa uretan eragiten zen, “azuletea” (anil-hautsak) eman eta, azkenik, baratzean zintzilikatzen zuten. Eguraldi txarra egiten bazuen etxe barruan zintzilikatzen zuten. Lurra belauniko garbitzen zuten etxeko emakumeek eta horretarako ere xaboia erabiltzen zuten.