Santiago eta bere sei anai-arrebak Altsasun jaio ziren. Ama Urdiaingoa zen eta aita berriz Altsasukoa. Etxean euskaraz hitz egiten zuten, baina kalean erdara izaten zen nagusi. Irakasle eta apaiza erdaldunak zituzten herrian. Tren geltokiko langile gehienak kanpotarrak ziren eta euren semeekin erdaraz egiten zuten, gainera euskaraz hitz eginez gero, barre egiten zieten. Gogoan du, nola elkartu ziren herriko hainbat guraso, euren seme-alabentzako lehen euskal eskola sortzeko.
