LANA, IKASKETAK, TROKELAK, TAILERRA, IRABAZIA, LARUNBATA, UFESA ENPRESA

Hamazazpi urterekin hasi zen lanean, amaren lehengusu batekin. Doitzaile ikasketak egiten hasi zen eta kurtso bat egin zuen bere kabuz postaz, marrazketa teknikoari buruzkoa. Hasiera batean, lehengusuaren Lakuntzako etxabean egiten zituzten trokelak baina, ondoren, lehengusua Uhartera (Uharte-Arakil) bizitzera joan zen eta bertan jarri zuen tailerra. Astean hogeita bost pezeta irabazten zituen, egunean zortzi ordu lan eginez. Larunbatak lanegunak izaten ziren. Hirurogeita hamaikagarren urtera arte egon zen berarekin lanean. Ondoren, Ufesa enpresan hasi zen.