POLITIKA, LEGEALDIA, NAFARROAKO GOBERNUA, MANKOMUNITATEA, BILERAK

Nafarroako Gobernuarekin bilerak egin ziren eta eskualdeko azterketa soziologiko bat egitea lortu zuten. Bertatik ondorio batzuk atera ziren, mankomunitatearen inguruan zer egin zezaketen adieraziz. Legealdiaren amaierako urteetan estatutuak egitea lortu zuten. Bertan, bi auzi hartu ziren kontuan: batetik, herri bakoitzaren ondasunak eta, bestetik, bizilagun kopurua. Horren arabera, herri bakoitzak zenbat ordaindu behar zuen erabaki zuten. Biztanle gehien zuen herria Altsasu zen eta bazituen ere nahiko ondasun. Horregatik, hasieran eztabaidak egon ziren Altsasu herriarekin baina, ondoren, adostasun batera iristea lortu zuten.