GUERRA ZIBILA, HILKETA, EZKUTATU, GERRA BOLONDRESAK, ERREKETEAK, FALANGISTAK, SALAKERIAK, FUSILAKETAK

Handitu eta galderak egiten hasi zirenean, Gerra Zibileko zenbait kontu entzuten hasi ziren Mari Pazen adinakoek, hala nola, lagun bati osaba bat hil ziotela jakin zuten. Baina gazte zirenean ez zen ezer aipatzen. Bere osaba bat belarrez estalita egon omen zen ganbaran, besteek (sardearekin) bila ari ziren bitartean, baina, azkenean, ez zuten aurkitu. Altxamendurako bolondres joan ziren Arbizuko zenbait bizilagun baina, esaten da, horietako batzuk engainatuta joan zirela. Erreketeak eta falangistak egon omen ziren herrian, salakeriak egon zirela badaki Mari Pazek. Hiru bat bizilagun fusilatu zituzten. Gaztetan, herritarren arteko zatiketen inguruan ez zuten ezer susmatu, dena ezkutuan eramaten baitzen.