Celestino eta Basiliaren alaba, lau ahizpa ziren. Etxean mutilik ez zegoenez alabek soroan eta animaliekin laguntzen zuten. Herriko eskolara joan zen, baina askotan etxean laguntzeko joan gabe gelditzen zen. Ezkondu eta senarraren etxera joan zen bizitzera. Senarra nekazaria eta abeltzaina zen, berari laguntzen aritzen zen, baina sukaldari moduan ere lan egin du urte luzez. Kotxeko karneta atera zuen. Herriko kanpai jotzailea izan da 40 urtez, elizako kontuetan asko aritu da. “Denak bat” jubilatu elkarteko fundatzaileetako bat izan zen.
